Møt forskarar frå Universitetet i Søraust-Noreg - på ditt lokale bibliotek.
Vi treng kunnskap, og den bør ikkje gøymast bort i lærebøker og auditorium. Ein time på ein laurdags formiddag er alt du treng for å lære noko nytt!
Elleve folkebibliotek i dei tidlegare fylka Buskerud, Vestfold og Telemark samarbeider med USN om laurdagsforedrag med forskarar og ekspertar frå oss.
USN finansierer ordninga med honorar til foredragshalder, dekning av reiseutgifter og støtte til biblioteka sine marknadsføringsutgifter.
På Laudagsuniversitetet kan du høyre foredrag om aktuelle tema og bli med på diskusjonen etterpå. Det er fint å kunne møtast og lære noko nytt, gjennom eit kunnskapsbasert ordskifte.
Vil du bestille ein forskar frå USN?
USN har mange forskarar som tilbyr spennande foredrag. Dei fortel på ein lettfatteleg måte om tema som dei er ekspertar på.
Kunnskapen deira er kvalitetssikra gjennom årelang forsking, og gjennom vurdering av andre ekspertar.